Жаҳон соғлиқни сақлаш ташкилоти ҳукуматларни пандемия сабабли карантин чораларини бошқа жорий этмасликка чақирди. Бу ҳақда ташкилотнинг бош эпидемиологи Мария Ван Керкхове маълум қилди, деб ёзмоқда «Korrespondent.net».
Пандемия бошида, Хитой билан чегараларни ёпиш эпидемия тарқалишини тўхтатиб қола оладиган пайтда, ЖССТ мамлакатларни бу ишни қилмасликка, хитойлик сайёҳларни барча мамлакатларга киритишга ва «тенгсизликни» тарғиб қилмасликка чақирганди.
Шундай бўлса ҳам, пандемия бутун дунё бўйлаб тарқалгач, чегаралар ёпилди. Ўшанда ЖССТ чегараларнинг ёпилиши тўғри эканлигини тан олди.
Шундан кейин ЖССТ экспертлари бир неча ой давомида тиббий ниқоблар одамларга керак эмаслигини таъкидлади. Бироқ кейинроқ ташкилот барчани ниқоб тақишга чақирди.
ЖССТ барча мамлакатларга узоқ вақт давомида қаттиқ карантин жорий қилишни маслаҳат берди. Бироқ энди Ван Керкхове COVID-19’нинг иккинчи ва ундан кейинги тўлқинларида карантинга йўл қўйиб бўлмаслигини таъкидламоқда, чунки карантиннинг иқтисодий оқибатлари тиббий тарафдан эришиладиган шартли ғалабадан кўра аҳамиятлироқ бўлмоқда. Ташкилот томонидан таъкидланишича, ижтимоий масофани сақлаш ва ниқоб тақиш мазкур пандемия шароитида етарли ҳисобланади.
Изоҳ (0)