АҚШ президенти Дональд Трамп Россия томонидан ишлаб чиқилган коронавирус инфекциясига қарши вакцина самарали бўлишига умид билдирди, деб хабар бермоқда «РБК».
«Биз бу ҳақда кўп нарса билмаймиз. Умид қиламизки, у натижа беради», — деган у Оқ уйнинг Twitter’даги саифасида онлайн кўрсатилган брифингда.
Шу билан бирга, президент россиялик ишлаб чиқувчилар препаратни синовдан ўтказишда баъзи тадқиқотларни олиб ташлаганини айтган ва АҚШда вакцина яратишда «қатъий тизимдан ўтиш» муҳим ҳисобланишини қўшимча қилган.
Эслатиб ўтамиз, 11 август куни Россия президенти Владимир Путин коронавирусга қарши биринчи вакцина рўйхатдан ўтказилганини маълум қилганди. У Гамалея номидаги институт томонидан яратилган. Путиннинг сўзларига кўра вакцина «барқарор иммунитет шакллантиради ва барча зарур текширувлардан ўтган». Амалда эса Гамалея институти вакцинаси ишлаб чиқишнинг дастлабки босқичида турибди. Унда кенг миқёсли клиник текширувлар ўтказилмаган. Илмий журналларда эса синов натижалари ҳақида ҳеч қандай мақолалар йўқ.
Мавзуга доир:
- «У Путин айтганидек умидлига ўхшамаяпти». Россиянинг коронавирусга қарши вакцинасининг ҳужжатлардаги асл ҳолати ошкор бўлди
- «Вакцина хавфсиз, унинг самарадорлигини ўрганамиз». Россия эпидемиологи коронавирусга қарши биринчи вакцина ҳақида
- Қозоғистон клиник синовларнинг барча босқичлари якунланмагунча COVID-19 вакцинасини сотиб олмоқчи эмас
- ЖССТ Россиянинг коронавирусга қарши вакцина синовлари тўғрисидаги маълумотларни текширмоқчи
Изоҳ (0)