«Осиё инфратузилма инвестициялари банки иштирокида ‘Бухоро вилоятининг сув таъминоти ва канализация тизимларини ривожлантириш ва модернизация қилиш’ лойиҳасини амалга ошириш чора-тадбирлари тўғрисида»ги ҳукумат қарори қабул қилинди. Бу ҳақда Адлия вазирлигининг «Ҳуқуқий ахборот» Telegram канали хабар берган.
Қарорга мувофиқ, Осиё инфратузилма инвестициялари банки (ОИИБ) томонидан «Бухоро вилоятининг сув таъминоти ва канализация тизимларини ривожлантириш ва модернизация қилиш» лойиҳаси учун 25 йил муддатга (5 йиллик имтиёзли давр билан) 385,12 миллион АҚШ доллари миқдорида қарз берилиши маъқулланган.
Лойиҳанинг умумий қиймати 437,62 миллион долларни, шу жумладан:
- ОИИБ қарзи — 385,12 миллион;
- Ўзбекистон ҳиссаси — солиқ ва божхона имтиёзлари бериш тарзида 52,5 миллион АҚШ долларини ташкил этади.
2020 йил февраль ойида Бухоро вилояти Когон туманидаги «Хўжа якшанба» маҳалласининг йўллари абгорлиги, ичимлик суви муаммоси бор ҳудудлардан бири эканлиги танқид қилинганди.
Изоҳ (0)