Бирлашган Араб Амирликлари АҚШ воситачилигида Исроил билан тинчлик битимини имзолаши маълум бўлганидан сўнг Фаластин БААдаги ўз элчисини чақириб олди, деб хабар беради Wafa ахборот агентлиги.
Бу борадаги тегишли кўрсатма Фаластин президенти Маҳмуд Аббос томонидан берилган.
«Фаластин миллий озодлик ҳаракати» (FATX) ҳамда HAMAS Фаластин ҳаракати БААнинг Исроил билан келишувини танқид қилган. HAMAS вакили Абдуллатиф ак-Кануанинг маълум қилишича, ушбу келишув «Фаластин ерини сионистик истило қилиш»га легитимлик бермайди. «Истило Фаластин халқининг асосий душманилигича қолади ва биз ўз курашимизни давом эттирамиз», — дея ваъда берган у.
Al-Jazeera’нинг ёзишича, HAMAS матбуот котиби Хазем Касем ушбу битимни «орқадан берилган хиёнаткор зарба» деб атаган.
Исроил ва БАА АҚШ президенти Дональд Трамп администрацияси воситачилигида 13 август куни ўзаро тинчлик битимини имзолади. Амирликлар Исроил билан дипломатик ва иқтисодий муносабатларни тўлиқ барқарорлаштиришга қарор қилган учинчи араб давлатига айланди.
Мавзуга доир: Исроил Иордан водийсини ўзлаштирмайдиган бўлди
Изоҳ (0)