Футбол бўйича Хитой Суперлигасининг 4-турида «Шанхай СИПГ» 12 август, чоршанба куни «Ухань Чжоэр»га қарши баҳс олиб борди.
Дастлаб уханликлар Чан Ченлиннинг 25-дақиқадаги голидан кейин олдинга ўтиб олди. Бунга майдон эгалари иккинчи бўлим сўнггида иккита гол билан жавоб қайтарди.
79-дақиқада Марко Арнаутович мувозанатни тиклаган бўлса, орадан ўн дақиқа ўтиб Оскар шанхайликларга ғалаба келтирган тўпга муаллифлик қилди.
Мазкур баҳсда Одил Аҳмедов асосий таркибда майдонга тушиб, 90-дақиқада захирага олинди.
Ушбу ғалабадан кейин «Шанхай СИПГ»нинг очколари 10 тага етди ва мусобақа жадвалида иккинчи ўринда бормоқда.
Хитой Суперлигаси
4-тур баҳси
12 август, чоршанба
«Шанхай СИПГ» — «Ухань Чжоэр» 2:1
Голлар: 0:1 – 25 Чан Ченлин, 1:1 – 79 Арнаутович, 2:1 – 89, пенальти Оскар.«Шанхай СИПГ»: Ян Сзюнлин, Хе Гуан, Ши Ке, Фу Хуан (Люй Венсзюн 46), Ван Шенчао, Арнаутович, Мирахметжан Музеппер (Лин Чуанъи, 72), Оскар, Одил Аҳмедов (Ян Шиюань, 90), Чен Бинбин, Рикардо Лопес.
«Ухань Чжоэр»: Дун Чунюй, Каррису, Мин Тян, Хан Пенфей, Чан Ченлин (Лю Шанкоу, 41), Няоре (Ли Хан, 77), Ван Кай, Сзян Сзилей, Лю Юн, Чжоу Тун (Баптистао, 77), Лю I.
Огоҳлантиришлар: Каррису (33), Баптистао (90+4).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)