E Ink компанияси «электрон сиёҳ»га эга эгилувчан дисплейни тақдим этди. Бунда рақамли матнлар худди ҳақиқий китобдек тус олган, деб хабар беради Hi-Tech.Mail.ru.
Бугунги кунда бозорда эгилувчан экранли смартфонларнинг бир нечта моделлари мавжуд — ушбу тренд аста-секин электрон китобларга ўтмоқда, бу ерда мазкур технология жуда фойда беради. «Электрон сиёҳ»ли дисплейни ишлаб чиқарувчи E Ink компанияси китобсеварлар учун биринчи эгилувчан дисплейни тақдим этди.
Ҳозирча эгилувчан дисплейга эга электрон китоб — фақатгина прототип. Унга «электрон сиёҳ»га эга 10,3 дюймли дисплей ўрнатилган бўлиб, монохром матрица қувватни фақат тасвирларнинг янгиланиши учун сарфлайди. Ушбу экран тенг ярмидан букланади ва оддий қоғоз китоб каби очилади.
Ҳозирда дисплей Wacоm стилуси ёрдамида тасвирлар чизишни қўллаб-қувватлайди — ундан турли қайдлар ёки чизмаларни чизишда фойдаланиш мумкин. Бироқ эгилувчан E Ink экранига алоҳида ёритиш тизими жойлаштириш имкони бўлмагани сабаб ташқи ёритиш технологиясидан фойдаланилган.
Қолган жиҳатлари бўйича эгилувчан дисплей одатдаги дисплейлардан фарқ қилмайди. Унинг марказий қисмида кичик букланиш изи мавжуд, бироқ очиқ ҳолатда у деярли сезилмайди.
E Ink компанияси «электрон сиёҳ»ли эгилувчан дисплейлар ҳозирча оммавий ишлаш чиқариш учун тайёр эмаслигини маълум қилган. Шу сабабли бу каби технологиялар савдоси бошланишига бироз вақт бор.
Изоҳ (0)