Португалияда классик Mini автомобилларнинг улкан коллекцияси жойлашган эски омбор топилди. Дастлабки ҳисоб-китобларга кўра, у ерда машиналарнинг камида 50 нусхаси сақланмоқда, деб хабар беради CARakoom.
Бу каби коллекция нима сабабдан йиғилгани ва нима учун бу ҳолда ташлаб қўйилгани номаълум. Бироқ коллекциядан Austin ва Morris брендлари остида чиқарилган Mini хетчбекларидан ташқари, анча йирик Austin 1100, Austin 1300 ва Austin Меtrо моделлари, шунингдек, бир нечта ноёб нусхалар мавжуд.
Шулардан бири Mini 1275 GT ҳисобланади. 1969 йилда дизайнер Рой Хайнс классик Mini’нинг ташқи кўринишини модернизация қилган. Квадрат олд фараларга эга янгиланган модель Mini Clubman номи остида сотувга чиққан. Mini Clubman модели Riley ва Wolseley версиялари ўрнини эгаллаши керак бўлган.
Mini Cооper’нинг 988 кубли мотори ўрнига янги 1275 GT версияси ўрнатилган. Ушбу моделни кўпинча янглишиб Mini Clubman 1275 GT, деб аташади. Аслида унинг расмий номи доим Mini 1275 GT бўлган ва у Clubman’дан алоҳида модель ҳисобланади. Шунингдек, у тахометрга эга биринчи Mini’га айланган.
Коллекциядан ўрин олган яна бир қизиқарли модель — уч эшикли Mini Coutryman ва Тraveller универсаллари. Улар хетчбеклардан камроқ нусхада ишлаб чиқарилгани сабаб бугунги кунда қимматли ҳисобланади.
Автомобиллар турли даражада сақланиб қолган, бироқ бир қарашда маълумки, улар анчадан буён ҳаракатланмаган. Омбордаги барча машинанинг олд радиатор панжараси йўқлиги эътиборга молик.
Аввалроқ Саудия Арабистонида совет «Волга»лари «қабристони» топилгани тўғрисида хабар берилганди.
Изоҳ (0)