Чиноз туманида таъмирлаш ишлари олиб борилиши сабабли вақтинча газ таъминоти тўхтатилади, деб хабар бермоқда Тошкент вилояти ҳокимлиги.
Маълум қилинишича, 2020–2021 йиллар куз-қиш мавсумига тайёргарлик ишларини олиб бориш, юқори ва ўрта босимли газ қувурларида босим остида синов ишлари олиб борилиши муносабати билан, Чиноз туманида 2020 йил 10 август 08:00 дан 13 август 18:00 га қадар табиий газ таъминоти вақтинча тўхтатилади.
Таъмирлаш ишлари тугатилгандан сўнг, табиий газ таъминоти қайта тикланади.
«Ҳудудгаз Тошкент» газ таъминоти филиали таъмирлаш ишлари туфайли газ таъминотидаги вақтинча узилишлар сабабли етказилаётган ноқулайликлар учун аҳоли ва газ истеъмолчиларидан узр сўраган.
Изоҳ (0)