Лола Каримова-Тиллаева ҳамда унинг турмуш ўртоғи Тимур Тиллаев бундан олти йил олдин сотиб олган Голливуддаги учта уйини сотувга қўйди. Уйлар нархи 6-6,5 миллион доллар оралиғида, деб хабар беради Dirt нашри.
Маълумотларга кўра, сотувга қўйилган уйлар Лос-Анжелесдаги Голливуд Ҳиллзда жойлашган. 2014 йилда ушбу уйларнинг умумий қиймати 16,1 миллион долларга тенг бўлган.
Нашрнинг маълум қилишича, эр-хотин ушбу уйларда ҳеч қачон яшамаган. Бинолар сўнгги йилларда ижарага берилган.
Уйлар орасида энг қиммати NFL собиқ юлдузи Режи Буш ҳамда унинг суюклиси Ким Кардашьянга тегишли бўлган уч қаватли вилла ҳисобланади. Улар мазкур уйда 2007—2014 йиллар оралиғида яшаган. Уйда лифт, кинотеатр, бассейн ва спа мавжуд. Бундан ташқари, уй у ердан туриб шаҳарни ва яқин атрофдаги тепаликларни кўриш мумкинлиги билан қимматли. Вилла қарийб 6,5 миллион долларга баҳоланмоқда.
Каримова-Тиллаевага тегишли иккинчи вилла Марокаш услубида қурилган. Уйда 1200 шишага мўлжалланган шароб ертўласи, ёпиқ ҳовли ва грекча услубда жиҳозланган ванна мавжуд. У 6,4 миллион доллар нархда сотувга қўйилган.
Уйлар ичидаги энг арзони 6 миллион долларга баҳоланган. Унинг орқа ҳовлисида бассейн, барбекю майдончаси ва камин мавжуд.
Изоҳ (0)