Фото: Instagram’да энг кўп фолловерларга эга турк актрисалари

Туркиялик таниқли актрисалар Instagram ижтимоий тармоғидан, асосан, мухлислари билан мулоқот қилиш учун фойдаланади. Уларнинг шахсий саҳифасида рекламалар деярли эълон қилинмайди. Қуйида қайси турк актрисалари энг кўп фолловерларга эгалиги ҳақида сўз юритамиз.

1-ўрин Ханде Эрчел (14,3 миллион фолловери бор)

https://www.instagram.com/p/CBz6cn8Afbx/

Кўпчилик Хандени унчалик маҳоратли актриса деб ҳисобламайди. У иштирокидаги бир неча лойиҳалар рейтингда паст кўрсаткични қайд этгани учун тўхтатилган. Шунга қарамай, уни Instagram’да 14 миллиондан кўпроқ киши кузатади.

2-ўрин— Фаҳрие Эвжен (10,9 миллион нафар фолловери бор)

https://www.instagram.com/p/CCawob6Htp9/

Бурак Ўзчивитнинг рафиқаси Фаҳрие «Чолиқуши», «Курт Сеит ва Александра», «Ўлимга қадар» каби сериаллар, шунингдек, «Ишқ сенга ўхшар», «Уйим сенсан» каби фильмларда суратга тушган. Актриса ҳозирда ўғли Караннинг тарбияси билан банд.

3-ўрин — Демет Ўздемир (10,4 миллион фолловери бор)

https://www.instagram.com/p/CDD4n2SjmFt/

Туркиянинг энг муваффақиятли ёш актрисаларидан бири Демет Ўздемир «Қулупнай ҳиди», «Тонг қуши», «309-рақам» каби сериалларда суратга тушган.

4-ўрин— Неслиҳан Атагул Доғулу (10,2 миллион фолловери бор)

https://www.instagram.com/p/BxHomA5HIae/

Неслиҳан ўзбек томошабинларига «Ишқ соҳиллари», «Севги изтироби», «Элчининг қизи» каби телесериаллардаги бетакрор роллари билан яхши таниш.

5-ўрин Элчин Сангу (7,2 миллион фолловери бор)

https://www.instagram.com/p/B9E0B3nlgOI/

Элчин «Ижарага олинган севги» сериалида суратга тушгач, машҳур бўлиб кетди. Шунингдек, «Тўқнашув» сериалида Элчин Киванч Татлитуғ билан бирга суратга тушган.

6-ўрин — Марям Узерли (6,2 миллион фолловери бор)

https://www.instagram.com/p/CCtZilohoQZ/

Марям ўзбек томошабинларига «Муҳташам юз йил» тарихий сериалидаги Хуррам Султон образи билан яхши таниш. Ушбу сериал актрисага оламшумул машҳурликни олиб келди. Шунингдек, у суратга тушган «Тун қироличаси» сериали ҳам муваффақият қозонган.

7-ўрин Хазал Кая (6,1 миллион фолловери бор)

https://www.instagram.com/p/B94H-WFpTxC/

Хазал «Тақиқланган севги», «Мен уни Фериха деб атадим» каби сериалларда суратга тушган. 2019 йилнинг февралида Хазал туркиялик кинопродюсер ва актёр Али Атаяга турмушга чиқди. 2019 йилнинг ноябрида жуфтлик ўғил фарзандли бўлди.

8-ўрин — Буржу Ўзберк (4,9 миллион фолловери бор)

https://www.instagram.com/p/B_XiKoTHH8z/

Буржу «Муҳташам юз йил» сериалида Ибрагим ва Хадичанинг қизи — Хурижаҳон Султон образини яратганидан сўнг машҳурликка эришди. Шундан сўнг у «Қуёш қизлари», «Ажойиб куёв» каби сериалларда ҳам суратга тушди.

9-ўрин — Берен Саат (4,7 миллион фолловери бор)

https://www.instagram.com/p/B1PtZjkB2Lc/

«Севги ва нафрат», «Тақиқланган севги», «Фатмагулнинг айби нима?», «Кўсем империяси», «Қасос», «Истеъдод» каби телесериаллар юлдузи Береннинг саҳифасини салкам беш миллион киши кузатади.

10-ўрин — Ўзге Гурел (4,3 миллион фолловери бор)

https://www.instagram.com/p/B44ZHd-g_nQ/

Ўзге Гурел «Олча мавсуми» ва «Тўлин ой» каби сериалларда суратга тушган. Ҳозирда у таниқли актёр Жан Яман билан «Жаноб хато» сериалида суратга тушмоқда.