Олий таълим муассасаларида 2020/2021-ўқув йили қандай бошланади? Масофавий таълим давом этаверадими? Юқоридаги саволга АОКА ҳузурида ташкил этилган брифингда Олий ва ўрта махсус таълим вазирлиги матбуот котиби Фарҳод Бабашев жавоб берди.
«Анъанавий таълим шаклида ўқув йилини бошлаш режалаштирилган эди. Республикада эпидемиологик вазиятнинг барқарорлашиш шароитидан келиб чиқиб, Олий таълим муассасаларининг бакалавриат ва магистратурасининг юқори курс талабалари ҳамда академик лицейларнинг 2-курс ўқувчиларига янги ўқув йилини 2020 йилнинг сентябрь ойидан масофавий шаклда бошлашга ҳам тайёргарлик кўрилмоқда», – дейди Фарҳод Бабашев.
Аввалроқ Давлат тест маркази бош бошқарма бошлиғи Барно Ражабов ОТМга кириш имтиҳонлари сентябрда ўтказилиши ҳақида маълум қилган эди.
Мавзуга доир:
- 2019/2020-ўқув йилида ОТМларни тамомлаган битирувчилар учун дипломнинг электрон нусхасини онлайн юклаб олиш имконияти яратилди
- «Аввал ўқитувчи ҳам, ўқувчи ҳам 3 ой пахта, бир ой чопиқ, 15 кун пилла билан овора эди». Шавкат Мирзиёев таълим тизимини танқид қилди
- Карантин сабабли Ўзбекистон ОТМларида контракт пулини тўлаш тизимига ўзгартириш киритилдими?
Изоҳ (0)