Антуан Гризманн «Барселона»даги илк мавсумида самарадорлик бўйича Неймардан ортда қолди

«Барселона» ҳужумчиси Антуан Гризманн каталон клубидаги илк мавсумида ПСЖ ҳужумчиси Неймарнинг қайд этиб кетган кўрсаткичлардан ўзиб кета олмади.

Marca ҳисоб-китобларига кўра, 2013/14 йилги мавсумда Неймар («Барселона»даги илк мавсуми) 41 та учрашувда 15 та гол урган ва худди шунча голли узатмани амалга оширган.

Гризманн эса 2019/20 йилги мавсумда 46 та ўйин ўтказиб, 15 та гол урди, бироқ голли узатмалари сони 4 тани ташкил қилди. Бу унинг 2012/13 йилги мавсумдан бери энг ёмон натижаси саналади.

Айни пайтда франциялик футболчи мушакларидан олган жароҳатидан тикланмоқда. У Ла Лигада мавсумни якунлай олмайди, бироқ август ойида ўтказиладиган «Наполи»га қарши Чемпионлар Лигаси 1/8 финалининг жавоб ўйинида майдонга тушиши мумкин.

Маълумот учун, «Барселона» Гризманни 2019 йилнинг ёзида 120 миллион евро эвазига «Атлетико»дан сотиб олган.