Турли сабабларга кўра мактаб даврида инсонларда қиёфасидан камчилик қидириш, қониқмаслик ҳолатлари кўп кузатилади. Ишониш қийин бўлса ҳам, бугунги кунда етарлича мухлисларига эга қуйидаги машҳурлар болалик даври бундан мустасно бўлмаган.
Уилл Смит
Болалик вақтида тенгдошлари Уиллнинг устидан кўп кулган ва қулоқлари катталигини масхара қилган. Бу эса табиийки ёш Смитнинг ўзини ёмон ҳис қилишига сабабчи бўлган. Боланинг руҳий аҳволига атрофдагилар муносабати шунчалик таъсир қилганидан унинг ота-онаси психологга мурожаат қилишига тўғри келган. Бугунга келиб эса актёр болалигидаги суратларга табассум билан боқиб, нима учун бунчалик кўринишидан кўнгли тўлмаганига ҳайрон қолади.
Кира Найтли
Болалигида ташқи кўринишидан уялган машҳурлардан яна бири маҳоратли актриса Кира Найтли ҳисобланади. У ёшига нисбатан озғин ва нимжон кўринганидан кўнгли тўлмаган. Вояга етгани сайин эса бунга кўникишига тўғри келган. Бугунга келиб эса Кира киносаноатнинг энг талабгир ва гўзал актрисаларидан бири ҳисобланади.
Линда Евангелиста
Канадалик модель Линда болалигида синфдошлари унинг бурни шакли устидан кулган. Энг ёмони унга белкурак деб лақаб қўйишган. Ушбу психологик травма модель вояга етганида ҳам уни тарк этмаган ва у мутахассисларга мурожаат қилишига сабаб бўлган. Жарроҳлик амалиётидан кейин эса модель бурнининг шакли буткул ўзгарган.
Вера Брежнева
Россиялик хонанда Вера Брежнева мактабда ўқиб юрган кезларида бўйи баландлигидан уялган. У новчалигидан шунчалик ташвишга тушганки, ҳатто синфошларининг масхара қилишларига сабаб бўлган. Улғайганида Веранинг ушбу уятчанлиги қадди-қоматида муаммоларни келтириб чиқарган. Ҳозирда ўзига ишончи юқори бўлган хонанда болаликдаги ушбу хотираларни эслашни истамайди.
Изоҳ (0)