Сурхондарё вилояти Термиз туманида 1000 ўринли карантин зонаси қисқа муддатда қуриб битказилди. Махсус жиҳозланган контейнерлардан иборат карантин зонаси тез орада фойдаланишга топширилади, деб хабар беради «Kun.uz».
Маълумотларга кўра, карантин зонасининг вентиляция, тиббий кислород етказиб бериш, коммуникация тизимлари замонавий тарзда жиҳозланган. Шунингдек, ҳудудни электр энергияси, газ, сув тармоқларига улаш ишлари жадаллик билан амалга оширилган.
Карантин ҳудудини барпо этишда барча санитар-гигиеник нормалар ҳисобга олинган бўлиб, қурилиш ишлари икки сменада ташкил қилинган.
Карантин зонасида қурилиш ишлари 5 июль куни якунланган бўлиб, у тез орада фойдаланишга топширилади.
Аввалроқ Ўзбекистонда коронавирусдан уй шароитида даволанаётганларга тиббий ёрдам бериш учун мобил гуруҳлар ташкил этилиши, талабалар турар жойлари карантинда сақлаш жойларига айлантирилиши тўғрисида хабар берилган эди.
Эслатиб ўтамиз, март ойида Тошкент вилоятининг Юқори Чирчиқ тумани Ўртасарой ҳудудидаги 16 гектар майдонда карантин зонаси барпо этилган эди. 10 700 кишини қабул қилишга мўлжалланган карантин маркази апрель ойида фойдаланишга топширилган эди. Бу ерга хориждан Ўзбекистонга кириб келган фуқаролар 14 кунлик карантинга жойлаштирилади.
Изоҳ (0)