Коронавирусга қарши кураш бўйича тезкор штабнинг 8 июль кунги маълумотларига кўра, Россияда сўнгги суткада коронавирусга чалиниш бўйича 6562 та янги ҳолат қайд этилди, деб хабар бермоқда Meduza.
Бир кун аввал бу кўрсаткич 6368 нафарни ташкил этганди. Мамлакатда умумий ҳисобда 700 792 кишида коронавирус қайд этилган.
Сўнгги суткада COVID-19 беморларининг 173 нафари вафот этган. Эпидемия бошланганидан буён Россияда 10 667 киши вирус қурбони бўлган.
Тузалганларнинг умумий сони эса 472 511 кишини ташкил қилмоқда, сўнгги суткада беморларнинг 8631 нафари соғайиб, касалхонадан жавоб берилган.
Мамлакатда коронавирусни аниқлаш бўйича сутка давомида 253 мингта, умумий ҳисобда эса 21,7 миллионта тест ўтказилган.
Эслатиб ўтамиз, Россия коронавирусга чалинганлар сони бўйича май ойидан буён дунёда учинчи ўринда бўлиб келаётганди. 6 июлдан бошлаб бу ўринни касалланганлар сони 697 413 кишига етган Ҳиндистон эгаллади.
Изоҳ (0)