Футбол бўйича Испания Ла Лигасининг 34-турида «Барселона» 5 июль, якшанба куни «Вильярреал» майдонида меҳмон бўлди.
Учрашувни каталонлар тезкор гол билан бошлади, 3-дақиқада қанотдан узатилган тўпни мезбонлар ҳимоячиси ўз дарвозасига жойлаб қўйди. 14-дақиқада Херар Морено мувозанатни тиклашга эришди.
Орадан кўп ўтмай Луис Суарес Лионель Мессининг узатмасидан сўнг чиройли гол муаллифига айланди. Бўлим якунида Антуан Гризманн жарима майдони ташқарисидан заргарона зарба йўллаб, жамоасининг учинчи голини урди. Унга ҳам тўпни Месси ташлаб берди. 87-дақиқада Ансумане Фати баҳсга нуқта қўйган голни урди.
Мазкур ғалабадан сўнг «Барселона» очколарини 73 тага етказиб олди ва пешқадам «Реал»дан тўрт очко ортда қолмоқда. «Вильярреал» (54) 5-поғонада қолди.
Ла Лига
34-тур баҳси
5 июль, якшанба
«Вильярреал» — «Барселона» 1:4
Голлар: 0:1 – 3, автогол Пау Торрес, 1:1 – 14 Жерар Морено, 1:2 – 20 Суарес, 1:3 – 45 Гризманн, 1:4 – 86 Фати.«Вильярреал»: Асенхо, Альберто Морено, Альбиоль, Марио Гаспар, Пау Торрес, Касорла (Тригерос, 56), Иборра (Сориано, 46), Замбо-Ангисса, Чуквуэзе, Пако Алькасер (Бакка, 36; Ниньо, 70), Херар Морено (Мойсес Гомес, 46).
«Барселона»: тер Штеген, Семеду (Ракитич, 60), Пике (Араухо, 82), Лангле, Серхи Роберто, Видаль, Бускетс (Брэйтуэйт, 73), Альба, Месси, Гризманн (Фати, 72), Суарес (Пуч, 60).
Огоҳлантириш: Пау Торрес (17).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)