«Манчестер Юнайтед» ҳужумчиси Мэйсон Гринвуд Англия чемпионатининг 33-туридан ўрин олган «Борнмут»га қарши баҳсда (5:2) рақиб дарвозасини икки бор ишғол этди.
Ушбу дубль эвазига англиялик футболчи жорий мавсумда барча мусобақалардаги голлари сонини 15 тага етказиб олди.
Мэйсон 37 йил ичида «Манчестер Юнайтед»нинг бундай натижага эришган энг ёш ўйинчисига айланди. У бу натижани 18 ёш-у 277 кунлигида қайд этди. Бундан олдин ушбу кўрсаткични 1983 йилда Норман Уайтсайд 18 ёш-у 19 кунлигида қайд этган.
Гринвуд Манчестер клуби тарбияланувчиси ҳисобланади. У 2018 йилдан бери асосий жамоада ўйнаб келмоқда. Премьер Лиганинг 2019/20 йилги мавсумида 26 учрашувида майдонга тушиб, 8 та гол ва 1 та голли узатмага муаллифлик қилди.
Изоҳ (0)