Тошкентнинг Чилонзор туманидаги кўчалардан бири 20 кунга транспорт воситалари ҳаракати учун ёпилади. Бу ҳақда пойтахт ҳокимлиги матбуот хизмати хабар берди.
«Чилонзор туманида йўл таъмирлаш ишлари олиб борилаётганлиги муносабати билан, 4 июлдан 24 июлга қадар Чилонзор кўчасининг Муқимий кўчасига туташган жойидан Novza кўчасигача туташган ҳудуди транспорт воситалари ҳаракати учун беркитилади», — дейилади хабарда.
Аввалроқ Беруний кўчасидан Фаробий кўчасигача бўлган йўлнинг бир қисми 14 кунга ёпилиши, Юнусобод туманида Аҳмад Дониш кўчасининг айрим қисмлари ҳам 14 кунга ёпилиши хабар берилганди.
Шунингдек, Абдулла Қодирий ва Лабзак кўчалари кесишмасидаги кўприкда олиб борилаётган таъмирлаш ишлари қачонгача давом этиши маълум қилинган.
Изоҳ (0)