«Клон» ва Бразилиянинг бошқа машҳур сериаллари актрисалари ҳозир қандай кўринишга эга? (фото)

Ўз вақтида томошабинлар учун севимли бўлган бразилиялик актрисалар ҳаётида қандай ўзгаришлар бўлган? Қуйида ушбу саволга жавоб берамиз.

Жованна Антонелли

Актриса арсеналида бугунги кунда 30 дан ортиқ фильм бор. Жованнага ҳақиқий омад «Клон» фильмидаги Жади ижросидан кейин кулиб боққан.

Актриса ва продюссерлик билан ҳам шуғулланадиган Антонелли бундан ташқари Gio номли аёллар косметик буюмлари ва аксессуарлари брендига эгалик қилади. Жованна, режиссёр Леонардо Ногейра билан турмуш қурган бўлиб, бугунги кунда уч фарзанднинг онаси ҳисобланади.

Ана Паула Арозиу

Бразилиянинг энг чиройли актрисаларидан бири сифатида яхши маълум бўлган Ана Паула карьерасини моделликдан бошлаб, 1991 йилдан сериалларда рол ижро қилган. «Севги диёри» сериалидаги роли, айниқса, миллионлаб мухлислар қалбидан жой олган, аммо актриса 2010 йилдан кейин суратга тушмай қўйган.

https://www.instagram.com/p/B7R9-nOHT6Q/?utm_source=ig_embed

Архитектор Энрике Пиньейрога турмушга чиққан Арозиуга ҳозир ҳам бир қанча фильмлардан таклиф бўлишига қарамай, у рад жавобини беради.

Нивея Стелманн

«Клон» сериалидаги Саиднинг рафиқаси Рания образи билан таниш бўлган актриса Нивея ҳам фаолиятини моделликдан бошлаган.

https://www.instagram.com/p/CAzo-Rrj9da/?utm_source=ig_embed

1993 йилда суратга олинган «Бразилиялик оила» сериали актрисанинг дебюти бўлган. «Клон» фильми эса унинг машҳур бўлишига сабаб бўлган.

Летисия Сабателла

«Клон» сериалида Латифа ижроси сабаб яхши маълум бўлган Летисия фаолиятини 1991 йилда бошлаган ва бугунги кунга қадар 50 дан ортиқ фильмда рол ижро қилган.

https://www.instagram.com/p/CBPyGrgnXUS/?utm_source=ig_embed

Бундан ташқари, у ўзини хонандалик борасида ҳам синаб кўрган. 2013 йилда актёр Фернандо Алвис Пинт билан турмуш қурган Летисиянинг биринчи турмушидан қиз фарзанди бор.