28 июнь куни соат 04:13 да Тошкентнинг Яшнобод туманида жойлашган ёғ қадоқлаш цехида ёнғин юзага келди. Бу ҳақда пойтахт ФВБ ахборот хизмати хабар берди.
Маълумотларга кўра, Яшнобод тумани Жарқўрғон кўчаси 22-уйда жойлашган Agro oil food МЧЖга қарашли ёғ қадоқлаш цехида ёнғин келиб чиққан. Ёнғин оқибатида цехнинг 300 метр квадрат майдони ёниб кетган.
Таъкидланишича, ёнғин-қутқарув жанговар бўлинмалари манзилга соат 04:20 да етиб борган ва кўрилган тезкор чоралар натижасида ёнғин соат 05:12 да тўлиқ бартараф этилган. Ёнғин жойига 7 та ёнғин-қутқарув техникаси жалб қилинган.
Ҳозирда ёнғин сабаблари ва ёнғиндан келтирилган моддий зарар миқдори аниқланмоқда.
Аввалроқ Андижондаги тикув цехида ва Сергелидаги пахта корхонаси омборхонасида ёнғин чиққани тўғрисида хабар берилганди.
Изоҳ (0)