Футбол бўйича Италия А Сериясининг 28-турида «Ювентус» 26 июнь, жума куни «Лечче»ни қабул қилди.
Учрашувнинг 31-дақиқасида меҳмонлар бир киши кам бўлиб қолди. Биринчи бўлимда рақиб дарвозасига йўл топа олмаган туринликлар танаффусдан кейин жавобсиз тўртта тўп киритишга эришди.
53-дақиқада Криштиану Роналдунинг узатмасидан сўнг Пауло Дибала ҳисобни очди. Орадан кўп ўтмай Роналду пенальтини аниқ амалга оширган ҳолда, орадаги фарқни оширди. 83-дақиқада Гонсало Игуаин Роналдунинг узатмасидан сўнг ҳисобни йирик кўринишга олиб келди. Орадан икки дақиқа ўтиб, Маттейс де Лигт якуний ҳисобни ўрнатди — 4:0.
Очколарини 69 тага етказиб олган «Ювентус» мусобақа жадвалида пешқадамлик қилмоқда. «Лечче» (25) эса 18-ўринда қолди.
А Серия
28-тур баҳси
26 июнь, жума
«Ювентус» — «Лечче» 4:0
Голлар: 1:0 – 53 Дибала, 2:0 – 62, пенальти Роналду, 3:0 – 83 Игуаин, 4:0 – 85 де Лигт.«Ювентус»: Шченсни, Матюиди, Бонуччи, де Лигт, Бентанкур (Рэмзи, 68), Куадрадо, Рабьо (Дуглас Коста, 52), Пьянич, Бернардески (Мураторе, 77), Роналду, Дибала (Игуаин, 77).
«Лечче»: Габриэль, Донати, Лучони, Рисполи, Вера (Кальдерони, 78), Тахцидис, Петриччоне (Россеттини, 46), Манкозу (Барак, 72), Шахов, Фалько (Эл-Бабакар, 62), Пас.
Огоҳлантириш: Бентанкур (38).
Четлатиш: Лучони (31).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)