Хорижий авиакомпанияларнинг 1 июлдан Ўзбекистонга авиапарвозларни қайта тиклаши ва шу муносабат билан авиачипталар сотуви бошлангани тўғрисида тарқалган хабарларга муносабат билдирди.
Вазирликнинг қайд этишича, Инқирозга қарши курашиш республика комиссияси ҳамда Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг 2020 йил 14 июндаги қўшма йиғилиши баёнига мувофиқ, Ўзбекистонда кучайтирилган санитария-гигиена назорати 2020 йилнинг 1 августига қадар сақланиб қолиши белгиланган.
Вазирлик кучайтирилган санитария-гигиена назорати даврида Республика махсус комиссиясининг қарорлари билан жорий этилган коронавирус инфекцияси кенг тарқалишининг олдини олишга қаратилган барча чеклов чоралари бекор қилинмаганини эслатган.
Транспорт вазирлиги хорижий давлатлар авиация маъмуриятларига Ўзбекистонга авиакомпанияларнинг мунтазам парвозларни амалга оширишга ҳали рухсат берилмаганлиги тўғрисидаги ноталар юборган.
«Республика махсус комиссиясининг 29-сонли баёнига мувофиқ, санитария-эпидемиологик вазият барқарор бўлган ҳамда коронавирус инфекцияси билан касалланиш ҳолатлари камайган мамлакатлар билан ‘яшил’, ‘сариқ’ ва ‘қизил’ тоифаларга ажратилган ҳолда мунтазам парвозларни қайта тиклаш устида иш олиб борилмоқда.
Йўловчиларга эслатиб ўтамиз, турли авиакомпанияларнинг Ўзбекистонга мунтазам парвозларни бошлаши тўғрисида тарақалаётган расман тасдиқланмаган хабарларга ишониб авиачипталарни сотиб олманг», — дейилади хабарда.
Изоҳ (0)