Ўзбекистонда 16 июнь соат 23:00 ҳолатига кўра, 165 кишида коронавирус инфекцияси қайд этилди. Бу ҳақда Соғлиқни сақлаш вазирлиги хабар берди.
Янги касалланиш ҳолатларининг
- 27 таси карантин марказидаги фуқаролар (барчаси хориждан келган) орасида;
- 104 таси Қашқадарё вилоятида коронавирусга чалинганлар билан мулоқотда бўлиб, карантинга олинганлар орасида;
- 13 таси Тошкент шаҳрида (шундан 7 таси коронавирусга чалинганлар билан мулоқотда бўлган, 6 таси эса аҳоли орасида);
- 7 таси Тошкент вилоятида;
- 5 таси Сирдарё вилоятида хориждан кириб келган халқаро юк ташувчи автомашина ҳайдовчиларида;
- 5 таси Наманган вилоятида (шундан 4 таси коронавирусга чалинганлар билан мулоқотда бўлган, 1 таси аҳоли орасида);
- 4 таси Бухоро вилоятида (шундан 1 таси коронавирусга чалинганлар билан мулоқотда бўлган, 3 таси эса аҳоли орасида) аниқланган.
Аввал Ўзбекистонда 16 июнь соат 17:00 ҳолатига кўра, коронавирус инфекциясини юқтириб олиш билан боғлиқ 35 та янги ҳолат қайд этилгани ва касалланганларнинг умумий сони 5328 нафарга етгани ҳақида хабар берилганди.
16 июнь ҳолатига кўра, кун давомида Ўзбекистон бўйлаб коронавирус инфекциясидан жами соғайганлар сони 4096 нафарга етгани ва шифохоналарда 1213 нафар бемор даволанаётгани маълум қилинган. Кун давомида жами 77 нафар бемор соғайиб, ўз уйларига кузатилган. Шу куни касалликдан фориғ бўлган беморларнинг барчаси пойтахтдаги даволаш муассасаларида тузалган.
Эслатиб ўтамиз, 15 мартда эпидемия бошланганидан бери Ўзбекистонда 19 нафар бемор COVID-19 асоратлари оқибатида вафот этган. Июнь ойининг ўзида 4 нафар COVID-19 туфайли ҳаётдан кўз юмган.
Изоҳ (0)