Болливуд юлдузлари фарзандларини қандай совғалар билан сийлайди?
Ушбу рўйхатдаги болалар орасида 1 ёшга тўлмасидан аввал қимматбаҳо совғага эга бўлганлари ҳам бор.
Таймур Али Хон
Болливуднинг юлдузли жуфтлиги Саиф Али Хон ва Карина Капурнинг ўғли Таймур Али Хон 2016 йил 20 декабрда дунёга келган ва ҳамиша ОАВ диққат марказида бўлган. Саиф Али Хон болаларни ҳимоя қилиш кунида Таймурга 186 минг долларлик қизил Jeep Grand Cherokee SRT совға қилган. Бу Таймурнинг биринчи қимматбаҳо совғаси эмас, у 6 ойлик бўлгани муносабати билан ота-онаси билан бирга Швейцарияга бориш бахтига муяссар бўлганди.
Миша Капур
Шаҳид Капур ва Мира Капурнинг қизи Миша биринчи туғилган кунидаёқ қимматбаҳо совға — Лондонга сафар қилишга муваффақ бўлган.
Адира Чопра
Адира — актриса Рани Мукержи ва режиссёр Адитя Чопранинг қизи. У дунёга келиши билан ота-онаси унга Мумбайдан бир эмас, нақд иккита уй туҳфа қилган.
Арадя Баччан
Айшвария Рай ва Абхишек Баччан 2012 йилда фарзандли бўлган ва чақалоқни Арадя деб атаган. Юлдузли оиланинг эркатойи бўлган қизалоққа биринчи туғилган кунидаёқ қарийб 36 минг долларлик Mini Cooper машинаси совға қилинган.
Арян ва Сухан Хон
Болливуд қироли Шоҳрух Хон эса фарзандларига қимматбаҳо машиналарни раво кўради. У фарзандларига нархи 86 минг доллар бўлган Audi А6 совға қилган.
Мавзуга доир:
