Олмазорни айланган Мирзиёев, атрофи ўралган Черчилль, ажабтовур дизайнли ҳимоя ниқоблари. 12 июнь суратлари
12 июнь, жума куни дунёнинг турли бурчакларидан олинган энг қизиқарли суратлар жамланмасини тақдим этамиз.
Президент Шавкат Мирзиёев 12 июнь куни Олмазор туманидаги Талабалар шаҳарчасида барпо этилган Инновацион ривожланиш вазирлигининг янги биносини бориб кўрди.Фото: Президент матбуот хизмати
Нидерландиянинг Амстердам шаҳрида 3 метр диаметрли жинси кўйлакда ўйнаётган балерина. Ушбу либос балетда хавфсиз масофа учун ишлаб чиқарилган.Фото: EPA
Германиянинг Франкфурт шаҳрида серўт далада юрган қуён.Фото: AP Photo
Филиппиннинг Манила шаҳрида Мустақиллик кунида терроризмга қарши кураш бўйича қонун лойиҳасига қарши намойишга чиққан эркак қайта ишланган пластик идишлардан ясалган ниқобни тақиб юрибди.Фото: AP Photo
АҚШнинг Калифорния штатида намойишчилар томонидан кўчаларга ирқчиликка қарши кураш, қора танлилар манфаати ҳимояси учун ёзилган сўзлар.Фото: AP Photo
Непалда коронавирусга қарши самаралироқ курашишни талаб қилиб чиқилаётган намойишлар тобора кўпайиб бормоқда.Фото: Reuters
Беларусда мактаб ўқувчиларининг битирув оқшоми бўлиб ўтди.Фото: Reuters
Ливаннинг Байрут шаҳрида армия ва полициянинг махсус қисмлари ҳукумат биноси олдидаги намойишчиларни тарқатиш учун кўзни ёшлантирувчи гранаталардан фойдаланди.Фото: Reuters
Бельгиянинг Гент шаҳрида Леопольд II нинг бюсти ирқчиликка қарши курашувчи намойишчилар томонидан бўёқ билан бежалди.Фото: Reuters
Россия куни муносабати билан ҳукумат уйида махсус рангли чироқлар ёқилди.Фото: Reuters
Таиланднинг Бангкок шаҳрида 31 ёшли тадбиркор ҳимоя ниқоблари учун ўзининг дизайнини ишлаб чиқди.Фото: Reuters
Вьетнамнинг Ханой шаҳрида коронавирус ҳақида чизган расми олдида турган 10 ёшли қизалоқ.Фото: Reuters
Ҳиндистоннинг Нью-Деҳли шаҳрида қариндошлари ва тиббиёт ходимлари томонидан танаси кремация учун қабристонга олиб келинган коронавирусга чалинган мурда.Фото: Reuters
Изоҳ (0)