Голливуд актрисаси Шэрон Стоун ўз уйида чақмоқ уришидан қандай омон қолгани ҳақида сўзлаб берди, деб ёзади Harper’s Bazaar.
Шэрон ҳашаматли уйи олдида қудуқ борлигини айтган. «Мен дазмолга сув тўлдираётгандим. Бир қўлимда дазмол, иккинчи қўлим билан эса жўмракни ушлаб тургандим. Шу пайт қудуқни чақмоқ урди, ундан чиққан ёруғлик мени орқага итариб юборди», — дея эслайди актриса.
Чақмоқ зарби кучли эди, уни актриса бир умр эслаб қолган: «Мен отилиб, ошхонани айланиб учдим ва музлаткичга бориб урилдим», — дейди актриса.
Актрисанинг бахтига ўша пайтда онаси уникида эди. Айнан Шэроннинг онаси Дороти унга биринчи ёрдам кўрсатган.
«Онам мени ўзимга келтирди ва шифохонага олиб борди. Шифокорлар электр токи бутун танам бўйлаб ўтганини, шунинг учун 10 кун давомида ҳар куни физиоретапия муолажаларини олишим кераклигини айтди», — дейди Шэрон.
Изоҳ (0)