Хитойнинг Haval автомобиль бренди бунга қадар шартли B06 номи билан маълум бўлган янги йўлтанламасига алоҳида ном танлаш бўйича ўтказган танлови натижаларини маълум қилди. Унга кўра, энг кўп овозни (32 525) «катта ит» дея таржима қилнувчи вариант тўплаган, деб ёзади Drive2.
Овоз бериш жараёнлари Хитойдаги машҳур WeChat онлайн-платформасида бўлиб ўтган.
Компаниядагилар «янги йўлтанламас харид қилиш — оилада содиқ ва ёқимтой тўрт оёқли дўстнинг пайдо бўлиши»га ўхшагани сабаб ушбу номни маъқул кўрган.
«Келажакда бренднинг номи ҳайвонларга боғлиқ бошқа моделлари пайдо бўлиши истисно этилмайди», — деб ёзади Хитой оммавий ахборот воситалари.
Янги йўлтанламас номига энг яқин унинг инглизча муқобили — бу Big Dog. Бироқ компания экспорт версияси учун ушбу номдан фойдаланадими, буниси номаълум.
Таъкидланишича, «катта ит» дизайни устида Jaguar Land Rover’нинг собиқ стилисти Фил Симмонс ишлаган.
Изоҳ (0)