«Ҳудудий электр тармоқлари» АЖга қарашли Фарғона ҳудудий электр тармоқлари корхонаси томонидан Сўх туманининг электр таъминоти тўлиқ кўрикдан ўтказилиб, аҳолининг электр таъминоти борасидаги муаммолари ўрганилди ҳамда уларни бартараф қилиш чора-тадбирлари белгилаб олинган, дея хабар қилди Энергетика вазирлиги.
Фарғона ҳудудий электр тармоқлари корхонаси туманнинг электр таъминотидаги мавжуд камчиликларни бартараф этиш учун зарур бўлган электр қурилмалари, жумладан, турли қувватдаги 16 дона трансформатор пункти, 79 километр узунликдаги замонавий электр узатиш кабеллари, 80 дона темир-бетон таянч, 1200 дан ортиқ изоляторлар, 10 турдаги электр қурилмалари Сўх туманига юборилди.
Мазкур таъмирлаш ва янги қурилиш ишларини бажаришдан кутилган мақсад Сўх тумани аҳолисининг электр энергиясига бўлган талабини тўла қондириш ҳамда сифатли электр энергияси билан таъминлашдан иборат, дейилади хабарда.
Мавзуга доир:
- Фарғона вилояти ҳокимлиги Сўх туманига хайрия карвони юборди
- Шуҳрат Ғаниев Қирғизистонда Боткен вилояти губернатори Алишер Абдураҳмонов билан учрашди
- 230 нафар сўхлик Tashkent City’даги қурилиш ишларида қатнашиш учун олиб келинмоқда
- Шавкат Мирзиёев: Сўхдаги воқеалар қирғиз халқи билан дўстлигимизга, борди-келдимизга таъсир қилмаслиги керак
Изоҳ (0)