Bentley компанияси ва Швейцариянинг Breitling маркаси ўзаро ҳамкорликнинг 17 йиллигини нишонлаш мақсадида Chronomat номли қўл соатларининг янги моделини тақдим этди, деб хабар беради Motor.
Breitling Chronomat модели биринчи бор 1984 йилда пайдо бўлган. Швейцария компаниясининг ҳозирги усталари моделнинг янгиланган версиясини тақдим этди. Уларнинг фикрича, янги модель универсал спорт соатларига айланган бўлиб, уни кундузи пляжга тақиб бориш, кечаси эса у билан қизил йўлакда кўриниш бериш мумкин.
Соатлар корпуси зангламайдиган металлдан тайёрланган бўлиб, диаметри 42 миллиметрга тенг. Моделга металл браслет ва капалак-қистиргич ҳам қўшилган. Ёқутдан ишланган орқа шаффоф ойнасига Bentley гравировкаси туширилган.
Соатлар 7 минг фунт стерлинг нархида сотувга чиққан бўлиб, ушбу пулга Lada Granta «Комфорт» моделини харид қилиш мумкин. Автомобиль 106 от кучига эга двигатель ва 5 поғонали «робот» узатмалар қутиси билан жиҳозланган.
Изоҳ (0)