«Барселона» клубининг собиқ ҳужумчиси Христо Стоичков аргентиналик афсоналар Лионель Месси ва Диего Марадонани ўзаро солиштиришни истамади.
«Месси — аллақачон афсона. Уни Марадона билан солиштириш қийин. Лионель каби бу қадар кўп соврин ютган футболчи йўқ. Олтита «Олтин тўп», бешта «Олтин Буца», ЖЧ—2014 мусобақасининг энг яхши ўйинчиси. Аргентина терма жамоаси тарихида Жаҳон Чемпионатининг энг яхши ўйинчиси номига сазовор бўлган футболчилар кўп бўлмаган. 1978 йилда Марио Кемпес, 1986 йилда Диего ва 2014 йилда Месси.
Месси ютиб олган совринларни ҳеч қайси футболчи қўлга кирита олмайди. Аргентиналиклар ҳар доим Месси ва Марадонани солиштиришни яхши кўради. Бироқ турли даврларни солиштириш адолатдан эмас», — дейди Стоичков.
Маълумот учун, Месси бутун фаолияти мобайнида «Барселона»да тўп суриб келади. Лео каталонлар билан ўн марта Испания чемпионати, олти бор мамлакат Кубоги ва саккиз марта Испания Суперкубогида ғолиб чиққан. Шубилан бирга футболчи тўрт карра Чемпионлар Лигаси, уч каррадан УЕФА Суперкубоги ва клублар ўртасидаги Жаҳон Чемпионати ғолиби ҳисобланади.Лео Аргентина терма жамоаси билан ЖЧ—2014 ва Америка Кубогининг учта мусобақасида (2007, 2015, 2016) кумуш медалини қўлга киритади. Шунингдек, Месси 2005 йилги ёшлар ўртасидаги ЖЧ ғолиби ва 2008 йилги Олимпиада олтин медали соҳиби ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)