АОКА ҳузуридаги штабда ташкил қилинган брифингда Олий ва ўрта махсус таълим вазирлиги бўлим бошлиғи Абдусамад Маманазаров фуқаролардан келиб тушган муҳим савол ва мурожаатларга жавоб қайтарди.
Хусусан, «Талабалардан карантин пайтида шартнома пулини тўлашни талаб қилиш, акс ҳолда имтиҳонларга киритмаслик тўғрими?», — дея йўлланган саволга қуйидагича жавоб қайтарилган:
«Карантин вақтида талабаларнинг масофавий таълими йўлга қўйилган, бироқ талабаларни шартнома шартларини бажармаганлик учун талабалик сафидан четлатиш кун тартибига киритилмаган.
Шартнома пулини тўламаган талаба имтиҳонга киритилади, бироқ курсдан курсга кўчирилгани тўғрисида буйруқ расмийлаштирилмайди», — деган вазирлик вакили.
Шунингдек, брифингда академик лицейларга ҳужжат топшириш қандай амалга оширилиши ҳақида ҳам маълумот берилди.
«2020/2021-ўқув йили учун умумтаълим мактабларининг 9-синф битирувчи ўқувчиларининг ҳужжатларини академик лицейларда онлайн рўйхатга олиш 2020 йил 10 июндан бошланди.
Академик лицейларда ҳужжатларни онлайн рўйхатдан ўтказиш бўйича маълумотлар билан вазирликнинг расмий Telegram каналида жойлаштирилган ҳавола орқали батафсил танишиш мумкин.
Ўқувчилар ўзлари танлаган йўналишлар бўйича ҳужжатларини онлайн тарзда 10 июндан 30 июнга қадар рўйхатдан ўтказиши мумкин», — деди Абдусамад Маманазаров.
Мавзуга доир:
Изоҳ (0)