Қашқадарё вилоятининг Косон туманида ИИБ ходими фуқарога нисбатан ноқонуний равишда куч ишлатди. Бу ҳақда Ўзбекистон Ички ишлар вазирлиги матбуот хизмати хабар берди.
Хабар беришларича, воқеа 30 май, шанба куни соат 21:40 да Косон туманининг «Ниҳол» маҳалласидаги «Ниҳол Саид Барака» дўкони олдида ИИБ ходимлари аҳолининг карантин қоидаларига амал қилишини текшириш мақсадида ўтказаётган тунги рейд вақтида юз берган.
«Вилоят ИИБ тезкор вазифаларни бажарувчи сафарбар отряди ходими қонунда белгиланган вазифасидан четга чиқиб, шу маҳаллада яшовчи 1992 йилда туғилган Х.М.га нисбатан ноқонуний равишда куч ишлатиб, унинг шаъни ва қадр-қимматига путур етказган», — дейилади ИИВ хабарида.
Хабар беришларича, ИИВ Ўз хавфсизлиги хизмати Қашқадарё вилояти бўлинмаси томонидан ҳолат юзасидан хизмат текшируви тайинланган. «Тадбир иштирокчиларининг ҳар бирининг хатти-ҳаракатларига қонуний баҳо берилади», — дейилади ИИВ ахборотида.
Мавзуга доир:
- Пўлат Бобожонов «Чироқчи воқеаси» бўйича туман ИИБ раҳбарларини ишдан олди. Уларнинг икки нафари ички ишлар тизимидан ҳайдалди
- Қамашида фуқаро ИИБ ходимига бензин сепиб, уни ёқиб юбормоқчи бўлди (видео)
- Қашқадарёда ҳайдовчига қўполлик қилган ЙПХ инспекторлари ишдан бўшатилди
- Қашқадарё вилояти ички ишлар бошқармаси ЙПХ инспекторининг қўпол хатосига изоҳ берди
- Қашқадарё ИИБ бошқарма бошлиғи топшириғига қарши чиққан ЙПХ инспекторлари ҳаракатига изоҳ бермади
Изоҳ (0)