Самарқанд вилояти Ургут туманида ноқонуний тарзда хорижий валютани фуқароларга сотаётган валютафуруш қўлга тушди. Бу ҳақда Бош прокуратура ахборот хизмати хабар қилган.
Унга кўра, Бош прокуратура ҳузуридаги Департаментнинг Ургут туман бўлими томонидан ДХХ ходимлари билан ҳамкорликда валюта қимматликларининг ноқонуний муомалага киритилишининг олдини олиш борасида тезкор тадбир ўтказилган. Унда М.И. фуқаро У.С.га 5 минг АҚШ долларини 51 миллион сўмга сотган вақтида ушланган, тадбир давомида 5 минг 770 АҚШ доллари, 200 Россия рубли ҳамда 3,7 миллион сўм маблағ ашёвий далил сифатида расмийлаштириб олинган.
Ҳолат юзасидан М.И.га нисбатан Жиноят кодексининг тегишли моддаси билан жиноят иши қўзғатилган.
Изоҳ (0)