Наманган вилоятида жорий йил 10 июнидан болалар оромгоҳлари ўз фаолиятини бошлаши кўзда тутилмоқда. Бу ҳақда вилоят касаба уюшмалари ташкилотлари бирлашмаси бўлим бошлиғи Қосимжон Холбоев маълум қилди, дея хабар беради «Дарё» мухбири Азизбек Абдувалиев.
Холбоевга кўра, Наманганда жами 8 та оромгоҳ болаларни қабул қилади. Улар қаторида вилоятнинг энг баҳаво гўшаларида жойлашган Косонсой туманидаги «Соҳил» ва «Олмазор», Янгиқўрғон туманидаги «Камалак» ва «Лола», Чуст туманидаги «Баркамол авлод» оромгоҳлари бор.
«Жами 5400 нафар болани 4 навбатда қабул қилишни режалаштирганмиз. Оромгоҳлар 1 июнга қадар шай ҳолатга келтирилади. Уларда кунда икки маҳал болаларнинг ҳарорати ўлчаниши, ниқобларда бўлишлари ва антисептик воситалардан фойдаланишлари, энг асосийси, ижтимоий масофанинг сақланиши доимий назоратда бўлади. Бунинг учун ҳар бир оромгоҳга масъул ходимлар бириктирилган», — дейди Қосимжон Холбоев.
Изоҳ (0)