Тожикистонда коронавирус билан касалланганлар сони 3,1 минг нафардан ошди

Тожикистонда коронавирус инфекциясига чалинган беморлар сони 25 май ҳолатига кўра 3,1 минг нафардан ошди, бир сутка давомида 171 та янги касалланиш ҳолати қайд этилган. Бу ҳақда мамлакат Соғлиқни сақлаш вазирлиги матбуот марказига таяниб, «РИА Новости» хабар қилган.

«Бир сутка давомида COVID-19 билан касалланганлар сони 171 тага кўпайди ва 3100 нафарга етди, 46 киши касаллик оқибатида вафот этган», – дея агентликка маълумот берган вазирлик вакили. ССВга кўра, 1395 киши коронавирус инфекциясидан тузалган.

Вазирлик тизимидаги шифокорлар 2773 нафар одамни ўз назоратида ушлаб турибди, охирги бир сутка ичида 232 нафар бемор касалхоналардан чиқарилган.

COVID-19 билан касалланганларни даволаш ва уларнинг тиббий кузатув остида ушлаш учун касалхоналарда 7,5 мингдан зиёд шифокор ҳамда 25 мингдан кўпроқ ҳамшира жалб қилинган.