Ахборот технологиялари ва коммуникацияларини ривожлантириш вазирининг биринчи ўринбосари Олимжон Умаров бошқа ишга ўтиши муносабати билан лавозимидан озод этилди.
Бу хабарни «Дарё»нинг ҳукуматдаги манбалари тасдиқлади, 25 май куни бу ҳақда тегишли қарор имзоланган.
Олимжон Умаров ушбу лавозимни 2017 йилнинг июнь ойидан бери эгаллаб келаётган эди.
Тасдиқланмаган маълумотларга кўра, у бош вазир маслаҳатчиси – IТ технологиялар, телекоммуникациялар ва инновацион фаолиятни ривожлантириш масалалари департаменти бошлиғи лавозимини эгаллаши кутилмоқда.
Эслатиб ўтамиз, Вазирлар Маҳкамасининг янгиланган ижро этувчи тузилмасидаги ушбу лавозим «Ўзбекистон Республикаси Вазирлар Маҳкамасининг фаолиятини такомиллаштиришга оид қўшимча чора-тадбирлар тўғрисида» Президент қарорига кўра киритилганди.
Изоҳ (0)