Афғонистонда коронавирусга чалинганлар сони 11 минг кишидан ошди, Қозоғистонда эса 9 минг кишига яқинлашди

Қозоғистонда ўтган бир сутка ичида 438 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 5,1 фоизни ташкил этмоқда. Коронавирус юқтириб олиш бўйича янги ҳолатлар қуйида ҳудудларда аниқланган:

• Олмаота — 75 (3,4 фоиз);
• Чимкент — 69 (11,3 фоиз);
• Қарағанда вилояти — 67 (11,3 фоиз);
• Нур-Султон — 56 (3,4 фоиз);
• Жамбил вилояти — 51 (17,5 фоиз);
• Ғарбий Қозоғистон вилояти — 38 (9,2 фоиз);
• Атирау вилояти — 32 (3,6 фоиз);
• Туркистон вилояти — 17 (5,4 фоиз);
• Олмаота вилояти — 12 (4,2 фоиз);
• Қизилўрда вилояти — 8 (2,4 фоиз);
• Костанай вилояти — 5 (4,1 фоиз);
• Манғистов вилояти — 5 (3 фоиз);
• Ақтўбе вилояти — 2 (0,7 фоиз);
• Ақмўла вилояти — 1 (0,7 фоиз).

Бутун мамлакат бўйлаб коронавирусга чалинганлар сони 8969 кишига етган. Ҳозирга қадар 4515 киши соғайган, 35 киши вирус қурбонига айланган.Қирғизистонда 26 май ҳолатига кўра, яна 35 кишида коронавирус аниқланди, деб хабар беради Kloop.

Хусусан:

• Бишкекда — 12 киши, уларнинг 4 нафари Санкт-Петербургдан келган;
• Чуй вилояти — 4, уларнинг 3 нафари Соль-Илецкдан келган;
• Норин вилоятида — 8;
• Ўш вилоятида — 4 киши.

Касалликни янги юқтириб олганларнинг 7 нафари тиббиёт ходимлари — 4 нафари Бишкекда ва 3 нафари Норин вилоятида.

Ўтган бир сутка ичида 6 нафар тиббиёт ходими COVID-19’дан соғайган.

Қирғизистонда коронавирус инфекцияси билан касалланганлар сони 1468 кишини ташкил этмоқда. Ҳозирга қадар 1015 бемор даволанишга муваффақ бўлган.

Тожикистонда 25 май ҳолатига кўра, яна 171 кишида коронавирус аниқланди. Шундай қилиб, бутун мамлакат бўйлаб COVID-19 коронавирус инфекцияси билан касалланганлар сони 3,1 минг кишига етди, деб хабар беради «РИА Новости».

Ҳозирга қадар 1395 нафар бемор соғайган, 46 киши вирус қурбонига айланган.

Мамлакат Соғлиқни сақлаш вазирлигининг маълумотларига кўра, айни вақтда Тожикистонда 2773 киши тиббиёт ходимлари назорати остида қолмоқда. Сўнгги бир сутка давомида 232 бемор даволанишга муваффақ бўлган.

Мамлакатда COVID-19 билан касалланганларни даволаш ва уларни назорат қилиш билан 7,5 мингдан ортиқ шифокор ва 25 мингдан ортиқ ҳамшира шуғулланмоқда.

Афғонистонда 25 май ҳолатига кўра, коронавирус билан касалланганлар сони 11 минг кишидан ошиб кетди. Бу ҳақда мамлакат Соғлиқни сақлаш вазирлигига таяниб, Tolo News телеканали хабар берди.

Маълумотларга кўра, Афғонистонда COVID-19 юқтириб олганлар сони 11 582 кишига етган, ўтган бир сутка давомида бир бемор вафот этган ва 22 киши даволанган. Мамлакатда пандемия бошланганидан буён 1095 бемор даволанишга муваффақ бўлган. Афғонистонда вирус қурбонлари сони 219 кишига етди.