Дунёдаги энг кекса давлат раҳбари ҳисобланган қиролича Елизавета, тетиклиги ва ташқи кўриниши билан барчани лол қолдиради. Бюти эксперт Стюарт Майлс, 94 ёшда бўлишига қарамай фаол ҳаёт кечирадиган қиролича қандай қилиб бундай натижага эришгани ҳақидаги фикрлари билан ўртоқлашди, деб ёзади Harper’s Bazaar.
Экспертнинг Hello нашрига таъкидлашича, жадвал бўйича овқатланишга амал қиладиган ҳазрати олиялари, имконият бўлишидан қатъи назар ҳеч қачон қўшимча таом истеъмол қилмайди. Бундан ташқари, қиролича учун соч турмаги ҳам муҳим аҳамиятга эга ва шу сабаб узоқ йиллардан бери турмагини ўзгартирмайди.
Ёрқин, ранг-баранг либослар кийиш қироличани янада энергияга тўла қилиб кўрсатади.
Қиролича юзидан нур ёғилишинг сири унинг табассуми билан боғлиқ. Елизаветага хос бўлган ҳазилкашлик уни ҳеч қачон тарк этмаган, деб қўшимча қилади Стюарт.
Унинг ташқи кўриниши билан боғлиқ яна бир сир шундаки, қиролича бутун ҳаёти давомида қуёшдан, хусусан, ультрабинафша нурларидан сақланган. Бунга қуёшли очиқ ҳудудларда бўлиб ўтган тадбир ёки учрашувларда шляпа кийган ва соябон тутган суратлар мисол бўла олади. Қиролича таътилни иссиқ бўлмаган ўлкалар, масалан, Шотландияда ўтказади.
Изоҳ (0)