Шаҳзода Гарри ва Меган Маркл ўғли Арчи билан Лос-Анжелесда яшаётган уйининг суратлари пайдо бўлди, деб ёзади Hello.
Қайд этилишича, Гарри ва Меган таниқли Голливуд продюсери Тайлер Перрининг Беверли-Ҳиллздаги ҳашаматли қасрини ижарага олган.
Тайлер ушбу уйни ўзи қурдирган. У 2004 йилда ер участкасини 4,3 миллион долларга сотиб олганди.
Ушбу уй 18 миллион долларга баҳоланган. У қарийб 9 гектар ер майдонида жойлашган. У қўриқланадиган ёпиқ ҳудудда жойлашган бўлиб, атрофидаги қалин дарахтзор уйда истиқомат қилувчиларни кўриш имконини бермайди. Қаср 2230 квадрат метр майдонга эга, унда 8 та ётоқхона ва 12 та ваннахона мавжуд.
Тайлер герсог ва герсонгиня билан олдиндан таниш бўлгани ҳақида маълумот йўқ, бироқ Тайлер телебошловчи Опра Уинфри билан илиқ муносабатда. Опра эса Меган билан дугона. Айнан Опра Уинфри Меганга уй топишга ёрдам берган бўлиши мумкин.
Изоҳ (0)