Саудия Арабистони ва унга қўшни бўлган Қатар коронавирус билан касалланганлар сони бўйича араб давлатлари орасида рекордларни янгиламоқда. Бу ҳақда Соғлиқни сақлаш вазирликларига таяниб, «РИА Новости» хабар берди.
Қатар Соғлиқни сақлаш вазирлиги ўзининг Twitter’даги саҳифаси орқали маълум қилишича, мамлакатда ўтган бир сутка ичида 1,3 мингдан ортиқ одамда коронавирус аниқланган бўлиб, пандемия бошланганидан буён касалликка чалинганларнинг жами сони 20,2 минг кишидан ошган. Маълумотларга кўра, янги касалланиш ҳолатлари, асосан, Қатарнинг турли жойларидаги хорижлик ишчилар орасида аниқланган. Шунга қарамай мамлакатда коронавирусга билан боғлиқ ўлим ҳолатлари дунёдаги энг паст кўрсаткичлардан бири бўлиб қолмоқда — 12 нафар қурбон.
Ўз навбатида Саудия Арабистонида коронавирус билан касалланиш бўйича янги ҳолатлар икки ҳафтадан буён кунига 1,7 минг кишидан ошмоқда. Бутун мамлакат бўйлаб COVID-19’га чалинганлар сони 35 минг кишидан ошди. Саудия Арабистонида пандемия бошланганидан буён 229 киши коронавирус қурбонига айланган, 9120 киши даволанишга муваффақ бўлган.
Мавзуга доир: Саудия Арабистони пандемиянинг молиявий оқибатлари қачондан юзага келишини маълум қилди
Изоҳ (0)