Ўзбекистонда 8 май соат 22:00 ҳолатига кўра, коронавирус инфекциясини юқтириб олганлар сони 1 кишига ошиб, касалланганлар 2325 нафарга етди. Соғлиқни сақлаш вазирлиги маълумотларига кўра, 8 май давомида Ўзбекистонда жами 27 кишида коронавирус инфекцияси аниқланган.
Шу билан бирга, 8 май куни мамлакат бўйича 119 киши коронавирусдан соғайиб, реабилитацияга кузатилган. Инфекциядан соғайганлар сони жами 1775 кишига етди. Кун давомида Тошкентда 30 киши, Самарқандда 18 киши, Бухорода 32 киши, Хоразмда 1 киши, Сирдарёда 8 киши, Наманганда 22 киши, Андижонда 2 киши, Сурхондарёда 6 киши коронавирусдан соғайди.
Ўзбекистонда 15 мартдан буён коронавирусга чалинган беморларнинг 10 нафари вафот этди. Айни вақтда 539 киши даволанишда қолмоқда.
Изоҳ (0)