Халқ депутатлари Тошкент шаҳар кенгаши депутати, блогер Обиджон Латипов сўнгги кунларнинг энг кўп муҳокама қилинаётган икки мавзуси — Сардобадаги фалокат ва бу авариядан жабр кўрганларга ёрдам юбориш вақтида ички ишлар ходимларини ҳақорат қилган халқ артисти Юлдуз Усмоновага жамоатчиликнинг муносабати юзасидан қисқа хулосалари билан бўлишди.
Сиз нимани буюртма қилсангиз шуни элтиб беришадиБир артист ҳиссиёт билан оғзига келганини гапирди. Уни гапларидан бирор киши на моддий, на жисмоний зарар кўрди. Лекин минглаб инсонлар уни жазолашни талаб қиляпти.
Сув омборининг тўғони қулашидан эса ўн минглаб одам бошпанасиз қолди, инсонлар ҳаёти ҳавф остида, ҳатто вафот этганлар бор. Аммо айбдорларни жазолашни талаб қилаётганлар бармоқ билан санарли.
Биз ўзимиз артистларга ўралашиб қолган жамиятмиз. Шунчалар майдалашиб кетганмизки, ҳаётимиз билан боғлиқ йирик нарсаларни ҳам кўролмайдиган бўлиб қолганмиз.
Артистнинг жазоланишидан жамият деярли ҳеч нарса ютмайди, аммо фожиаларга сабаб бўлаётган амалдорларнинг жазоланмаслигидан жамият жуда катта ютқазади.
Бизга нима муҳимлигини англаб олишимиз зарур. Зеро, нимани буюртма қилсак ўшанга эришамиз. Қизиқ парадокс.
Обиджон Латипов, халқ депутатлари Тошкент шаҳар кенгаши депутати
Изоҳ (0)