Американинг Apple ва Google корпорациялари коронавирус тарқалишини кузатишга мўлжалланган махсус иловага оид маълумотлар билан бўлишди, деб хабар қилади DW.
Дастурчиларнинг сўзларига кўра, илова геолокация маълумотларидан фойдаланмайди, бироқ симсиз шахсий Bluetooth тармоқлари технологияси ёрдамида ишлай олади. Бундан ташқари, у фойдаланувчиларнинг маълумотларидан мақсадли реклама йўлида ишталишни кўзда тутмайди.
Илова кейинчалик инфекция аниқланган фойдаланувчининг қурилмаси яқинида бўлган барча мобил телефонларга махсус хабарномалар юбориладиган тарзда дастурланади.
Матбуот анжумани вақтида Google ва Apple компаниялари вакиллари мобил иловани яратишда фақатгина зарур бўладиган техник асослар, шунингдек, унинг интерфейси ва дизайнига оид тавсияларни тақдим этишларини маълум қилди.
Дастурий таъминотни ишга тушириш учун жавобгарлик алоҳида мамлакатлар соғлиқни сақлаш идораларига юклатилган. Бироқ анжуман вақтида ушбу вазифа айнан қайси идоралар зиммасига тушганлигига аниқлик киритилмаган.
Мобил илова iOS ва Android қурилмаларида ишлашга мўлжалланган. Ундан кўнгилли равишда фойдаланиш режалаштирилмоқда.
Изоҳ (0)