Хитойда коронавирусга чалиниш бўйича яна 2 та, Жанубий Кореяда эса 13 та ҳолат аниқланди

Хитойда ўтган бир сутка ичида коронавирус билан касалланиш бўйича яна 2 та ҳолат аниқланди, 28 бемор тузалди, вафот этганлар қайд этилмади. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.

Таъкидланишича, икки ҳолатнинг бири четдан кириб келган — Шанхайда аниқланган, яна бири эса — Шаньси вилоятида қайд этилган. Хитойда коронавирус инфекциясининг четдан кириб келиши бўйича жами 1672 та ҳолат аниқланган бўлиб, уларнинг 451 нафари ҳамон касалхонада даволанмоқда, олти нафарининг аҳволи оғир.

Коронавирус пандемияси бошланганидан буён мамлакатда 82 877 киши вирус юқтириб олган, уларнинг 77 713 нафари соғайган, 4633 нафар бемор вафот этган.

Шунингдек, яна 12 кишида касаллик аломатларсиз кечаётгани аниқланган. Умумий ҳисобда, бундай кишиларнинг яна 968 нафари шифокорлар назоратида бўлиб турибди.

Коронавирус пандемияси бошланганидан буён мамлакатда 10 793 киши вирус юқтириб олган, беморларнинг 9183 нафари соғайган, 250 нафари вафот этган.

Мамлакатда деярли икки ҳафтадан буён коронавирусга чалиниш бўйича ҳар куни 10 га яқин ҳолат аниқланмоқда. Фақат 24 апрель куни бу кўрсаткич 6 кишига тенг бўлган. 30 апрель куни эса Жанубий Кореяда COVID-19 билан касалланиш бўйича бирорта ҳам ҳолат қайд этилмаган.

Аввалроқ Жанубий Корея коронавирусга қарши курашда ғалаба қозонган кам сонли давлатлар орасидан ўрин олгани ҳақида хабар берилганди.