Ортиқча макияжсиз, табиий гўзал кўринишнинг 5 усули

Бўяниш бу чапланиш дегани эмас, косметик воситаларни меъёрида ишлатиб ҳам гўзал кўриниш мумкин. Қуйида сизга асқатиши мумкин бўлган айрим тавсияларни келтириб ўтамиз.

1. Макияж идеал бўлиши учун чёткалар бўлиши шарт эмас, айниқса лабни бўяшда бунинг, умуман, ҳожати йўқ. Чизилган лабдан кўра, бармоқлар ёрдамида табиий қилиб суртилган помада чиройли кўринади. Қолаверса бундай усул билан лаблар янада жозибали кўринади.

2. Юз терисини тиниқ кўрсатиш учун қават-қават тональ крем суртишнинг кераги йўқ. Бунинг ўрнига CC ёки BB кремдан фойдаланиш тавсия қилинади. Юзингизда сепкил ёки хол бўлса, уларни буткул яширишга уринманг, индивидуал гўзал бўлинг, ҳаммадек эмас.

3. Қошларни чизишни бас қилинг. Шунчаки уларни тартибга келтириш ва рангсиз гель суртишнинг ўзи кифоя. Чизиб олиш сизни табиий, тартибга келтирилган қошларчалик гўзал кўрсатмайди.

4. Ҳайлайтердан тўғри фойдаланилса макияж мукаммал ва ўзига хос кўринади. Уни нафақат ёноқлар учун, балки кўзга суртиладиган тень ўрнига ҳам ишлатиш мумкин.

5. Ортиқча бўёқларсиз табиийдек ярқираб турадиган макияж учун энг аввало терингиз аҳволи ҳақида қайғуринг. Мунтазам равишда намлантирадиган кремлардан фойдаланишни канда қилманг. Тери ҳолати яхши бўлмаса, сурилган косметик воситалар йиғилиб, нотабиий кўриниш касб этади.