Toyota компанияси Gazoo Racing спорт бўлинмасининг ҳайдовчилари Supra купесида «Макдоналдс» маҳсулоти атрофида дрифт қилаётгани тасвирланган роликни эълон қилди, деб хабар беради Motor.
Toyota ҳайдовчилари ва Япониянинг D1 дрифт-мусобақаси ғолиблари Дайго Сайто ва Нобутеру Танигучи махсус трассада пойга уюштирган. Пойга давомида йўлнинг ўртасида улкан «БигМак» ва ҳаракатланувчан товуқ наггетслари қадоғи пайдо бўлади, пойгачилар синхрон равишда «БигМак» атрофида дрифт қилади. Шундан сўнг, улар махсус стенддан картошка-фрини олиб ея бошлайди. Ролик якунида спортчилар машиналарини тураргоҳга қўйиб, овқатланиб олишга киришади.
Toyota’нинг реклама ролиги «Макдоналдс»нинг ҳамкорликда акцияси доирасида яратилган бўлиб, унга кўра Японияда ҳар қандай «Хэппи Мила» сотиб олган харидорга кичкина Toyota Supra модели совға қилинади.
Маълумот учун, Toyota Supra’га 3,0 литрли V6 двигатели ўрнатилган бўлиб, агрегат қуввати 340 от кучига тенг. Спорткар 100 км/соат тезликка 4,3 сонияда эриша олади, максимал тезлиги эса 250 км/соатни ташкил этади.
Изоҳ (0)