Россия қуролли кучларида COVID-19 эпидемиясига қарши курашиш учун 30 минг ҳарбий хизматчи ва 4 мингта махсус техникадан иборат гуруҳ тузилди. Бу ҳақда армияда коронавирусга қарши курашишга бағишланган йиғилишда мамлакат мудофаа вазири Сергей Шойгу маълум қилди, деб хабар бермоқда «РБК».
Унинг айтишича, Мудофаа вазирлиги пандемияга қарши курашиш учун федерал ижроия органлари билан яқин ҳамкорликни йўлга қўйган. Вазир ҳудудий ҳокимликларга ёрдам кўрсатиш учун ҳарбий шифокорларнинг 17 та бирлашган отрядини ташкил этиш тўғрисида ҳам гапирган. «Қуролли кучларда Россия Федерацияси субъектларига ёрдам бериш мақсадида бешта бригада ва 12 полк таркибий бўлинмаларидан иборат захира тузилган», — деган у.
Хабарда айтилишича, 18 апрель куни Владимир Путин Мудофаа вазирлигига коронавирус инфекцияси тарқалишига қарши курашиш учун Қуролли Кучларнинг махсус кучлари ва воситаларини яратиш бўйича таклифларни ишлаб чиқиш вазифасини топширган. COVID-19’га қарши курашда ҳарбийларни жалб қилиш таклифини эса 13 апрель куни эълон қилган. «Агар зарур бўлса, барча имкониятлар, шу жумладан, Мудофаа вазирлигининг имкониятлари ҳам жалб этилиши мумкин ва шартдир», — деган президент.
Путин Мудофаа вазирлигининг соғлиқни сақлаш ходимлари инфекцияга қарши курашда чет элда тажриба орттирганини таъкидлаб, асосий кучлар эътиборни Россияга қаратаётгани ва улар захирада эканлигини айтган.
Изоҳ (0)