Fitch Ratings халқаро рейтинг агентлиги 2020 йилда глобал ЯИМнинг қулаши ҳақидаги прогнозини аввалги тахмин 1,9 фоиздан 3,9 фоизгача ёмонлашганини маълум қилди. Агентлик хабарида ушбу ҳодиса ҳали умуман кузатилмаган рецессия эканлиги таъкидланган.
Fitch Ratings бош иқтисодчисининг айтишича, прогноз қилинаётган қулаш 2009 йилдаги рецессиядан икки баравар жиддийроқ бўлади ва Иккинчи жаҳон урушидан кейинги энг кучли инқирозга айланади. Агентлик иқтисодиётнинг бу қадар кескин қулашига дунё бўйлаб COVID-19 коронавирусининг тарқалиши сабаб бўлганини қайд этган.
«Ҳеч бир мамлакат ёки ҳудуд глобал пандемиянинг иқтисодиётга таъсиридан қочиб қутула олмади», — дейилади Fitch хабарида.
Агентликнинг ҳисоб-китобига кўра прогноз қилинаётган қулаш дунё иқтисодиётидаги даромадларнинг 2019 йилда прогноз қилинганидан 2,8 триллион АҚШ доллари, шунингдек, пандемия бошланганидан кейинги прогноздан 4,5 триллион долларга қисқаришини англатади.
Fitch агентлигининг янгиланган прогнози бўйича Россияда ЯИМ 2020 йилда 3,3 фоизга, АҚШда 5,6 фоизга, Буюк Британияда 6,3 фоизга, Европа Иттифоқида 7 фоизга қисқаради. COVID-19’дан иқтисодиёти жиддий зарар кўрадига Европа давлати — Италия (8 фоиз) бўлади.
«Экстремал ҳажмда иш ўринларининг қисқариб бориши ва ўрта ҳамда кичик бизнес корхоналарининг кучли босим остида қолгани инқироздан кейин меъёрий ҳолатга қайтишни янада секинлаштиради. Бизнинг прогнозларга кўра, АҚШ ва Европа Иттифоқида ЯИМ кўрсаткичи вирус тарқалишидан аввалги даврдаги (2019 йилнинг учинчи чораги) даражадан ҳам пастроқ бўлади ва 2021 йил давомида ҳам ушбу рақамлар ўзгармаслиги мумкин», — дейилган Fitch хабарида.
Мавзуга доир:
Дунёда нефть нархининг қайта тикланиши Fitch прогнозига кўра 2020 йилнинг иккинчи ярмида COVID-19’га қарши чеклов чоралари бекор қилинганидан кейин содир бўлади. Fitch иқтисодиёти катта мамлакатлар миллий даражада чекловларни бекор қилишни саккиз ёки тўққиз ҳафтадан кейин бошлашини тахмин қилмоқда.
Мавзуга доир:
Изоҳ (0)