Италиянинг Ferrari автомобилсозлик компанияси коронавирусга қарши кураш доирасида сунъий нафас олдириш аппаратлари учун клапан ва маҳкамлагичларни ишлаб чиқаришни бошлади.
Термопластик таркибий қисмларни ишлаб чиқариш Маранеллодаги заводнинг автомобиль прототипларини яратиш билан шуғулланувчи бўлими томонидан йўлга қўйилди.
Таъкидланишича, тайёр бўлган маҳсулотлар фавқулодда вазиятларни бартараф этиш идорасига, у ердан шифохоналарга юборилади.
https://www.facebook.com/Ferrari/videos/536669997051842/
Италия ташқи ишлар вазири Луижи Ди Майо 18 апрель куни шифокорларга ёрдами учун Ferrari’га миннатдорчилик билдирди.
«Ferrari коронавирусга қарши курашда ва италияликлар ҳаётини сақлаб қолишда ўз кўникмаларидан фойдаланмоқда. Биз компания мамлакатни қайта оёққа туриб олишига ёрдам кўрсатаётганидан ғурурланамиз», — деб ёзади ТИВ раҳбари ўзининг Facebook’даги саҳифасига.
Аввалроқ Lamborghini, Airbus ва Apple компаниялари ҳимоя ниқобларини ишлаб чиқаришни бошлагани ҳақида хабар берилганди.
Изоҳ (0)