Хитойда ўтган бир сутка ичида коронавирус билан касалланиш бўйича яна 16 та ҳолат қайд этилди. Бу ҳақда Хитой Соғлиқни сақлаш миллий комиссияси хабар берди.
Таъкидланишича, ўтган бир сутка ичида COVID-19 билан касалланган бирорта ҳам бемор вафот этмаган. Ҳозирда мамлакатда 1041 киши коронавирусдан даволанмоқда, 85 нафар бемор оғир аҳволда.
Эпидемия бошланганидан буён Хитойда коронавирус билан 82,7 мингдан ортиқ одам касалланди, уларнинг 1,5 минг нафардан ортиғи четган кириб келганлар. Вирус оқибатида 4632 киши вафот этди, 77 мингдан ортиқ бемор даволанишга муваффақ бўлди.
Аввалроқ Хитой ўз ҳудудида коронавирус эпидемияси тўхтаганини эълон қилганди. Кейинчалик мамлакат бош эпидемиологи Хитойда коронавируснинг иккинчи тўлқини содир бўлиши эҳтимолини баҳолади. COVID-19’ни даволаш бўйича Шанхайдаги экспертлар гуруҳи аъзоси инсоният ёз фаслида коронавирус пандемиясидан буткул қутула олмаслигини, ноябрь ойида касалликнинг янги тўлқини юзага келиши мумкинлигини айтди. Нобел лауреати коронавирус Уханда лаборатория шароитида яратилган бўлиши мумкинлигини билдирди. Хитойнинг Россиядаги элчиси Чжан Ханьхуэй эса коронавируснинг манбаси Хитойда эканлигига шубҳа қилмоқда.
Мавзуга доир: Коронавирусга қарши курашда ёрдам бериш учун Ўзбекистонга 15 нафар хитойлик шифокор келди
Изоҳ (0)